Kuchga kirish sanasi: 2025 yil 9 Aprel
Samsung Electronics Co., Ltd. (“Samsung”) mijozlari, xodimlari va hamkorlari uchun maxfiylik qanchalik muhimligini biladi hamda biz ma’lumotlaringizni qanday olishimiz, ulardan qanday foydalanishimiz, ularni qanday oshkor qilishimiz, uzatishimiz va saqlashimiz haqida aniq maʼlumot berishga intilamiz. Bu Maxfiylik siyosati Samsung Knox xizmatlari (“Biznes xizmatlari”) orqali olingan shaxsiy ma’lumotlarga nisbatan ma’lumotlarga oid amaliyotlarimiz haqida umumiy maʼlumot beradi.
Biznes xizmatlariga yoki tegishli qonundagi oʻzgarishlarga nisbatan shaxsiy ma’lumotlar bilan ishlash amaliyotlarimizdagi oʻzgarishlarni aks ettirish uchun ushbu Maxfiylik siyosati vaqti-vaqti bilan yangilanib turishi mumkin. Biz ushbu Maxfiylik siyosati qachon yangilanganligini uning yuqori qismida koʻrsatamiz. Agar Maxfiylik siyosatini yangilasak, Biznes xizmatlarida eslatma joylash yoki tegishli hollarda sizga e-pochta xabari yuborish orqali biz muhim deb hisoblagan oʻzgarishlar haqida sizni oldindan xabardor qilamiz.
Siz haqingizda qanday ma’lumotlarni olamiz?
Biznes xizmatlariga aloqador ravishda turli turdagi shaxsiy ma’lumotlarni olishimiz mumkin.
Biz siz taqdim etadigan shaxsiy ma’lumotlarni, jumladan, qurilma identifikatorlari (masalan, IMEI, seriya raqami), qurilma dasturi versiyasi, operatsion tizim versiyasi, qurilma modellari, ilovalar paketi nomi, ilovalar paketi versiyasi, ilova jurnallari kabi qurilma ilovalar haqidagi tafsilotlarni Biznes xizmatlardagi xatolarni hamda siz bizga yuboradigan yoki yetkazadigan har qanday xabarlarni aniqlash va diagnostika qilish uchun olamiz.
Biznes xizmatlaridan foydalanishingiz haqidagi maʼlumotlarni, jumladan, foydalanish vaqtingiz va davomiyligi; hamda qurilmangiz sozlamalari haqidagi ma’lumotlarni olishimiz mumkin;
Biz siz yoki ish beruvchingiz sotib olgan yoki qabul qilgan mahsulot va xizmatlar haqidagi ma’lumotlarni hamda tranzaksiyaga aloqador ravishda taqdim etilgan toʻlov maʼlumotlari va boshqa ma’lumotlarni olishimiz mumkin;
Shuningdek, biz siz haqingizdagi shaxsiy ma’lumotlarni ish beruvchi yoki xizmat provayderidan yoki ochiq va tijoriy mavjud manbalardan (qonunchilikda ruxsat berilgan hollarda) olishimiz mumkin, ularni sizdan yoki siz haqingizda oladigan boshqa ma’lumotlar bilan birlashtirishimiz mumkin.
Ma’lumotlaringizdan qanday foydalanamiz?
Biz oʻzimiz oladigan ma’lumotlardan quyidagi maqsadlarda foydalanishimiz mumkin:
Biznes xizmatlarini taqdim etish va sizni yoki qurilmangizni roʻyxatga olish yoki autentifikatsiya qilish;
savollaringizga yoki ma’lumot soʻrovlaringizga javob berish;
amaldagi qonunchilikda talab qilingan hollarda roziligingiz bilan sizni yangi mahsulotlar va xizmatlar haqida xabardor qilish;
mozorimiz, mijozlarimiz, mahsulotlarimiz va xizmatlarimizni baholash va tahlil qilish (jumladan, mahsulot va xizmatlarimiz haqida fikringizni soʻrash va mijozlar soʻrovnomalarini oʻtkazish);
Biznes xizmatlarini takomillashtirish hamda yangi mahsulot va xizmatlarni ishlab chiqishimiz uchun kompaniyalarning ulardan foydalanish usulini tushunish;
texnik xizmat koʻrsatish va Biznes xizmatlarida yetarli darajada xavfsizlikni taʼminlash;
Samsung kompaniyasining yoki tegishli filiallarimiz, biznes hamkorlarimiz, xodimlarimiz yoki mijozlarimizning huquqlarini, mulkini yoki xavfsizligini himoya qilish, masalan, vakolatli organlar tomonidan sud jarayonlari, ichki tekshiruvlar va tergovlarda;
aks holda, roziligingiz bilan yoki ma’lumotlaringiz olinadigan vaqtda tavsiflanganidek.
Biznes xizmatlari orqali biz vaqt oʻtishi bilan ulangan qurilmalaringiz haqidagi hamda qurilmalar, ilovalar va boshqa onlayn funksiya va xizmatlardagi shaxsiy ma’lumotlarni olishimiz mumkin. Biz Biznes xizmatlarida Google Analytics kabi uchinchi tomon tahlil xizmatlaridan foydalanishimiz mumkin. Bu tahlil xizmatlarini boshqaruvchi xizmat provayderlari Biznes xizmatlaridan foydalanishingizni tahlil qilish va Biznes xizmatlarini yaxshilashga yordam beradi. Biz oladigan maʼlumotlar ushbu provayderlar va ushbu maʼlumotlardan, masalan, Biznes xizmatlaridan foydalanishni baholash, Biznes xizmatlarini boshqarishda yordam berish va texnik muammolarni diagnostika qilish uchun foydalanadigan boshqa tegishli uchinchi tomonlar tomonidan oshkor qilinishi yoki bevosita olinishi mumkin. Google Analytics haqida batafsil ma’lumot olish uchun http://www.google.com/analytics/learn/privacy.html va https://www.google.com/policies/privacy/partners/ manzillariga kiring.
Ma’lumotlaringizni kimlarga oshkor qilamiz?
Biz ma’lumotlaringizni faqat yuqoridagi maqsadlarda biznesimiz doirasida ichki tarzda hamda quyidagi yuridik shaxslarga oshkor qilamiz.
Samsung filiallari;
kerak boʻlganda sizga soʻralgan mahsulotlar va xizmatlarni taqdim etishi uchun uchinchi tomonlar. Masalan, biz siz talab qilgan tranzaksiyalarni qayta ishlash uchun toʻlov maʼlumotlaringizni tegishli moliya institutlariga oshkor qilishimiz mumkin;
biz uchun yoki bizning nomimizdan xizmatlar koʻrsatuvchi kompaniyalar, masalan, billing jarayonida bizga yordam beruvchi kompaniyalar;
boshqa tomonlar: (i) qonunchilikka rioya qilish yoki majburiy sud jarayoniga javob berish uchun (masalan, tintuv orderi yoki boshqa sud qarori); (ii) Biznes xizmatlarimizni tartibga soluvchi siyosatlarga muvofiqligini tekshirish yoki amalga oshirish; (iii) Samsung yoki tegishli filiallarimiz, biznes hamkorlarimiz yoki mijozlarimizning huquqlari, mulki yoki xavfsizligini himoya qilish; (iv) birlashtirish yoki oʻtkazishning bir qismi sifatida yoki bankrotlik holatida;
bunday ulashuvga rozilik berganingizda yoki soʻrov yuborganingizda boshqa uchinchi tomonlar bilan.
Ma’lumotlaringiz xavfsizligini taʼminlash uchun nima qilamiz?
Biznes xizmatlariga aloqador ravishda biz oladigan ma’lumotlarni himoya qilish uchun tegishli jismoniy va texnik choralarni koʻrdik. Biroq shuni yodda tutingki, biz maʼlumotlaringizni himoya qilish uchun maqbul choralar koʻrsak ham hech qanday veb-sayt, Internet uzatish, kompyuter tizimi yoki simsiz ulanish butunlay xavfsiz emas.
Ma’lumotlaringizni qayerga uzatamiz?
Biznes xizmatlaridan foydalanishingiz yoki unda ishtirok etishingiz ushbu siyosatga muvofiq yashash mamlakatingizdan tashqarida ma’lumotlaringizni uzatish, saqlash va qayta ishlashni oʻz ichiga olishi mumkin. Unutmang, ma’lumotlaringiz uzatilishi mumkin boʻlgan mamlakatlarning maʼlumotlarni himoyalash va boshqa qonunlari mamlakatingizdagi kabi keng qamrovli boʻlmasligi mumkin. Biz shaxsiy ma’lumotlaringiz himoyalangan holda qolishini taʼminlash uchun amaldagi qonunchilikka muvofiq tegishli choralarni koʻramiz.
Qanday huquqlaringiz bor?
Ayrim yurisdiksiyalarning qonunlariga muvofiq, biz siz haqingizda oladigan ma’lumotlar tafsilotlarini soʻrash, siz haqingizda olingan ma’lumotlarni oʻchirib tashlash va ushbu ma’lumotlardagi noaniqliklarni tuzatish huquqiga ega boʻlishingiz mumkin. Biz asossiz takrorlanadigan, nomutanosib texnik kuch talab qiladigan, boshqalarning maxfiyligini xavf ostiga qoʻyadigan, oʻta amaliy boʻlmagan yoki mahalliy qonunchilikda ruxsat talab qilmaydigan soʻrovlarni qayta ishlashni rad etishimiz mumkin.
Agar shaxsiy ma’lumotlarni oʻchirib tashlashni soʻrasangiz, Biznes xizmatlariga kira olmasligingiz yoki foydalana olmasligingiz mumkinligini hamda qolgan shaxsiy ma’lumotlar muayyan vaqt davomida Samsung kompaniyasining qaydlari va arxivlarida saqlanishda davom etishi mumkinligini, lekin Samsung bu ma’lumotlardan tijoriy maqsadlarda foydalanmasligini tasdiqlaysiz. Agar Samsung kompaniyasi veb-saytga kirishingizni Samsung foydalanish shartlarini buzgani uchun toʻxtatib qoʻygan, cheklagan yoki tugatgan boʻlsa, Samsung yoki tegishli filiallarimiz, biznes hamkorlarimiz, xodimlarimiz yoki mijozlarimizning huquqlari, mulki yoki xavfsizligini himoya qilish uchun talab qilinganida, oʻchirib tashlash haqidagi soʻrovingizga qaramay, Samsung shaxsiy ma’lumotlaringizni yoki ularning tegishli qismini saqlash huquqini oʻzida saqlab qolishini tushunasiz.
Parametrlaringizni yangilash, siz bizdan oladigan xabarlarni cheklash yoki soʻrov yuborish uchun quyidagi Aloqa boʻlimida koʻrsatilganidek bizga murojaat qiling.
Biznes xizmatlari mahsulotlar, xizmatlar va tanituvlar haqidagi ayrim ma’lumot va xabarlarni oʻchirib tashlashni taklif qilishi mumkin. Biznes xizmatidan foydalanganingizda sizga taqdim etilishi mumkin boʻlgan tanlovlar haqida bilish uchun sozlamalarga kirishingiz mumkin.
Ma’lumotlaringizni qancha vaqt saqlaymiz?
Biz siz haqingizdagi ma’lumotlar faqat ular olingan maqsad uchun zarur boʻlgan yoki amaldagi qonunchilik talab qilgan muddat davomida saqlanishini taʼminlash uchun asosli choralarni koʻramiz.
Xizmatlarimizdagi uchinchi tomon havolalari va mahsulotlari
Biznes xizmatlarimiz nazoratimizdan tashqaridagi tashqi veb-saytlar va xizmatlarga havola berishi mumkin. Biz veb-saytlar yoki boshqa xizmatlar oladigan har qanday ma’lumotning xavfsizligi yoki maxfiyligi uchun javobgar emasmiz. Ehtiyotkor boʻlishingiz va siz foydalanadigan uchinchi tomon veb-saytlari va xizmatlariga nisbatan tatbiq etiladigan maxfiylik bayonnomalari bilan tanishib chiqishingiz kerak.
Cookie-fayllar, mayoqlar va oʻxshash texnologiyalar
Biz, shuningdek, Biznes xizmatlarimizda kontent, reklama yoki boshqa funksiyalarni taqdim etuvchi ayrim uchinchi tomonlar Biznes xizmatlarimizning ayrim sohalarida mayoqlardan foydalanishi mumkin.
Mayoqlar
Biz ayrim uchinchi tomonlar bilan birga qurilmangizdan serverga ma’lumotlarni uzatadigan mayoqlar (yoki “piksellar”) deb ataluvchi texnologiyalardan foydalanishimiz ham mumkin. Mayoqlar onlayn kontent, video va e-pochta xabarlariga joylashtirilishi mumkin hamda serverga qurilmangizdan muayyan turdagi ma’lumotlarni oʻqish, muayyan kontent yoki muayyan email xabarini qachon koʻrganingizni bilish, siz mayoqni koʻrgan vaqt va sanani hamda qurilmangizning IP-manzilini aniqlash imkonini beradi. Biz va ayrim uchinchi tomonlar mayoqlardan turli maqsadlarda, jumladan, Biznes xizmatlarimizdan foydalanishni tahlil qilish uchun foydalanamiz.
Biznes xizmatlarimizga kirish va ulardan foydalanish orqali siz mayoqlar va boshqa ma’lumotlarning qurilmalaringizda saqlanishiga rozilik berasiz. Shuningdek, siz biz va yuqorida zikr qilingan uchinchi tomonlarning mayoqlar va ma’lumotlardan foydalanishiga rozilik berasiz.
Aloqa
Agar bu siyosat yuzasidan savollaringiz boʻlsa, bizga ushbu manzil orqali murojaat qiling: dataprivacy@samsungknox.com